പണിമുടക്ക്; ഇന്നും നാളെയും സപ്ലൈകോയുടെ 1600 ഔട്ട്ലെറ്റുകള് അടഞ്ഞുകിടക്കും
കൊച്ചി: ശമ്പള പരിഷ്കരണം നടപ്പാക്കാന് ആവശ്യപ്പെട്ട് സപ്ലൈകോ ജീവനക്കാര് ഇന്നും നാളെയും പണിമുടക്ക് നടത്തും. ഭരണ- പ്രതിപക്ഷ യൂണിയനുകള് സംയുക്തമായാണ് പണിമുടക്കുന്നത്. രണ്ടുദിവസം സപ്ലൈകോയുടെ 1600 ഔട്ട്ലെറ്റുകള് അടഞ്ഞുകിടക്കും. സിഐടിയു, ഐഎന്ടിയുസി, എസ്ടിയു, കെടിയുസി എന്നീ ട്രേഡ് യൂണിയനുകളാണ് സമരരംഗത്തുള്ളത്. സപ്ലൈകോയിലെ സ്ഥിരം, താത്കാലിക-കരാര് ജീവനക്കാരുടെ ശമ്പളപരിഷ്കരണം മൂന്നരവര്ഷമായിട്ടും നടപ്പായിട്ടില്ല. ശമ്പളപരിഷ്കരണം നടപ്പാക്കണമെന്നാവശ്യപ്പെട്ട് ഒട്ടേറെത്തവണ നിവേദനങ്ങള് നല്കിയെങ്കിലും ചര്ച്ചയ്ക്കുവിളിക്കാനോ, വിഷയങ്ങള് പരിഹരിക്കാനോ തയ്യാറാകാത്ത സാഹചര്യത്തിലാണ് സമരവുമായി മുന്നോട്ടുപോകുന്നതെന്ന് സംയുക്തസമരസമിതി ജനറല്കണ്വീനര് എന്.എ. മണി പറഞ്ഞു.
