2024 ഓടെ എല്ലാ സംസ്ഥാനങ്ങളിലും എന്ഐഎ ബ്രാഞ്ചുകള് തുടങ്ങും: ആഭ്യന്തരമന്ത്രി അമിത് ഷാ
ന്യൂഡല്ഹി: 2024 ഓടെ എല്ലാ സംസ്ഥാനങ്ങളിലും എന്ഐഎ ബ്രാഞ്ചുകള് തുടങ്ങാന് തീരുമാനിച്ചതായി ആഭ്യന്തരമന്ത്രി അമിത് ഷാ അറിയിച്ചു. ദേശീയ അന്വേഷണ ഏജന്സിയെ കൂടുതല് അധികാരങ്ങള് നല്കി ശക്തിപ്പെടുത്തും. അതിര്ത്തി കടന്നുള്ള കുറ്റകൃത്യങ്ങള് തടയാന് സംസ്ഥാനങ്ങളും കേന്ദ്രവും കൂട്ടായി പ്രവര്ത്തിക്കണമെന്നും ആഭ്യമന്ത്രമന്ത്രി ആവശ്യപ്പെട്ടു. ആര്ട്ടിക്കിള് 370 റദ്ദാക്കിയതിന് ശേഷം ജമ്മു കശ്മീരില് 34 ശതമാനത്തോളം തീവ്രവാദ കേസുകള് കുറഞ്ഞതായി അമിത് ഷാ അവകാശപ്പെട്ടു. ജമ്മു കശ്മീരില് സുരക്ഷാ സേനയിലെ അംഗങ്ങള് കൊല്ലപ്പെടുന്നതില് 64 ശതമാനത്തോളം കുറവുണ്ടായി, സാധാരണക്കാര് കൊല്ലപ്പെടുന്നതില് 90 ശതമാനം കുറവുണ്ടായെന്നും അമിത് ഷാ അവകാശപ്പെട്ടു.
