യൂറോപ്പ് പര്യടനം: മുഖ്യമന്ത്രി പിണറായി വിജയന് ഇന്ന് നാട്ടിലേക്ക് മടങ്ങും; ദുബായ് വഴി നാളെ കേരളത്തിലെത്തും
ലണ്ടന്: യൂറോപ്പ് പര്യടനം പൂര്ത്തിയാക്കി മുഖ്യമന്ത്രി പിണറായി വിജയന് ഇന്ന് നാട്ടിലേക്ക് മടങ്ങും. ഇന്ത്യന് ഹൈക്കമ്മീഷന് സംഘടിപ്പിക്കുന്ന ബിസിനസ് മീറ്റില് പങ്കെടുത്തശേഷമാണ് മടക്കം. ദുബായ് വഴി എത്തുന്ന മുഖ്യമന്ത്രി നാളെ നാട്ടിലെത്തും. ഫിന്ലന്ഡ്, നോര്വേ, ഇംഗ്ലണ്ട്, വെയ്ല്സ് എന്നിവിടങ്ങളാണ് മുഖ്യമന്ത്രി പിണറായി വിജയനും സംഘവും സന്ദര്ശനം നടത്തിയത്.
അതേസമയം വിദേശയാത്രയില് മുഖ്യമന്ത്രി കുടുംബാംഗങ്ങളെ കൊണ്ടുപോയത് വിവാദമായിരുന്നു. എന്നാല് മുഖ്യമന്ത്രിയുടെ കുടുംബാംഗങ്ങളുടെ യാത്രക്കുളള ചെലവ് സര്ക്കാര് ഖജനാവില് നിന്ന് അല്ലെന്നും അത് സ്വന്തം ചെലവില് ആണെന്നുമാണ് സര്ക്കാര് വിശദീകരണം. യാത്രയില് ദുരൂഹത ഉണ്ടെന്നും മുന് വിദേശ യാത്രകള് കൊണ്ട് ഉണ്ടായ ഗുണം ജനത്തെ അറിയിക്കണമെന്നും പ്രതിപക്ഷവും ആവശ്യപ്പെട്ടു. വിദേശയാത്ര ഒരു ആവശ്യവുമില്ലാത്തതെന്ന് ബിജെപിയും ആരോപിച്ചിരുന്നു.
