എല്ദോസ് കുന്നപ്പിള്ളിയുടെ മുന്കൂര് ജാമ്യാപേക്ഷ റദ്ദാക്കണമെന്നാവശ്യപ്പെട്ട് സര്ക്കാര് ഹൈക്കോടതിയില് ഹര്ജി നല്കും
കൊച്ചി: ബലാത്സംഗക്കേസില് എല്ദോസ് കുന്നപ്പിള്ളി എംഎല്എയുടെ മുന്കൂര് ജാമ്യാപേക്ഷ റദ്ദാക്കണമെന്നാവശ്യപ്പെട്ട് സര്ക്കാര് ഹൈക്കോടതിയില് ഹര്ജി നല്കും. എല്ദോസിനെ കസ്റ്റഡിയില് വേണമെന്നും സര്ക്കാര് ഹര്ജിയില് വ്യക്തമാക്കും. നേരത്തെ തിരുവനന്തപുരം സെഷന്സ് കോടതിയാണ് ബലാത്സംഗക്കേസില് മുന്കൂര് ജാമ്യം നല്കിയത്. ആ ഉത്തരവിനെ ചോദ്യം ചെയ്താണ് സര്ക്കാര് ഹൈക്കോടതിയെ സമീപിക്കുക. കേസ് അന്വേഷണത്തിന്റെ ചുമതലയുള്ള ഉദ്യോഗസ്ഥന് കൊച്ചിയിലെത്തി അഭാഷകരുമായി കൂടിക്കാഴ്ച നടത്തിയിരുന്നു. നിയമോപദേശത്തിന്റെ അടിസ്ഥാനത്തിലാണ് ഹൈക്കോടതിയില് അപ്പീല് നല്കാനുള്ള തീരുമാനം.എല്ദോസ് കുന്നപ്പിള്ളിയെ കസ്റ്റഡിയില് ചോദ്യം ചെയ്താല് മാത്രമെ ഈ കേസുമായി ബന്ധപ്പെട്ട തെളിവുശേഖരിക്കാന് കഴിയു എന്നാണ് അന്വേഷണസംഘത്തിന്റെ നിലപാട്. അടുത്ത ദിവസം തന്നെ ഹൈക്കോടതിയില് ഇത് സംബന്ധിച്ച് ഹര്ജി നല്കും.
