സിനിമ-സീരിയല് നടന് കാര്യവട്ടം ശശികുമാര് അന്തരിച്ചു
തിരുവനന്തപുരം: സിനിമ-സീരിയല് നടന് കാര്യവട്ടം ശശികുമാര് അന്തരിച്ചു. അസുഖത്തെ തുടര്ന്ന് തിരുവനന്തപുരത്തെ സ്വകാര്യ ആശുപത്രിയില് ചികിത്സയിലിരിക്കെയാണ് അന്ത്യം. കെ.എസ്. ഗോപാലകൃഷ്ണന് സംവിധാനം ചെയ്ത് 1989ല് പുറത്തിറങ്ങിയ ‘ക്രൈംബ്രാഞ്ച്’ എന്ന സിനിമയിലൂടെയാണ് കാര്യവട്ടം ശശികുമാര് ചലച്ചിത്ര ലോകത്തെത്തിയത്. പിന്നീട് ഇരുപതോളം സിനിമകളില് വേഷമിട്ടു. നാഗം, മിമിക്സ് പരേഡ്, കുഞ്ഞിക്കുരുവി, ചെങ്കോല്, ദേവാസുരം, കമ്പോളം, കുസൃതിക്കാറ്റ്, ആദ്യത്തെ കണ്മണി തുടങ്ങിയവയാണ് ശശികുമാറിന്റെ പ്രധാന സിനിമകള്. ചലച്ചിത്ര ലോകത്തെ നിരവധിപ്പേര് ശശികുമാറിന് അന്ത്യാഞ്ജലി രേഖപ്പെടുത്തി.
