കെ. സുധാകരന് എതിരെ എം.വി. ഗോവിന്ദന്; ആളുകളെ വിലയിരുത്തേണ്ടത് അവര് സ്വീകരിക്കുന്ന നിലപാടുകള് നോക്കിയാവണം
തിരുവനന്തപുരം: തെക്കന് കേരളത്തിന് എതിരായ വിവാദ പരാമര്ശത്തില് കെപിസിസി പ്രസിഡന്റ് കെ. സുധാകരന് എതിരെ സിപിഎം സംസ്ഥാന സെക്രട്ടറി എം വി ഗോവിന്ദന്. ആളുകളെ വിലയിരുത്തേണ്ടത് പ്രദേശത്തെ നോക്കിയല്ലെന്നും അവര് സ്വീകരിക്കുന്ന നിലപാടുകള് നോക്കിയാവണമെന്നും എം വി ഗോവിന്ദന് പറഞ്ഞു. മലയാളികളെ ഒന്നായി കാണണം. ഐക്യം രൂപപ്പെടുത്താനാണ് രാഷ്ട്രീയ പാര്ട്ടികള് ശ്രമിക്കേണ്ടത്. ജനതയെ ഐക്യത്തോടെ നയിക്കണം. അല്ലാതെ തെക്കെന്നും വടക്കെന്നും വിഭജിക്കരുതെന്നും എം വി ഗോവിന്ദന് പറഞ്ഞു.
അതേസമയം, പരാമര്ശം പിന്വലിക്കുന്നതായി കെ. സുധാകരന് പറഞ്ഞിരുന്നു. ആര്ക്കെങ്കിലും പ്രയാസം തോന്നിയിട്ടുണ്ടെങ്കില് പിന്വലിക്കുന്നു. വേദനിപ്പിച്ചെങ്കില് ക്ഷമ ചോദിക്കുന്നെന്നും സുധാകരന് പറഞ്ഞു. നാട്ടില് കുട്ടിക്കാലത്ത് കേട്ട കഥ ആവര്ത്തിക്കുക മാത്രമാണ് താന് ചെയ്തതെന്നും അദ്ദേഹം കൂട്ടിച്ചേര്ത്തു.
