കോഴിക്കോട് കാണാതായെ കോളേജ് വിദ്യാർത്ഥിനിയെ കണ്ടെത്തിയത് വിവസ്ത്രയാക്കി കെട്ടിയിട്ടനിലയില്
കോഴിക്കോട് : തൊട്ടില്പ്പാലത്ത് നിന്ന് കാണാതായ കോളജ് വിദ്യാര്ഥിനിയെ ആള്പ്പാര്പ്പില്ലാത്ത വീട്ടില് വിവസ്ത്രയാക്കി കെട്ടിയിട്ട നിലയില് കണ്ടെത്തി.പെൺകുട്ടിയെ കെട്ടിയിട്ട സ്ഥലത്ത് നിന്ന് എംഡിഎംഎ ലഹരിമരുന്നും കണ്ടെടുത്തു. സംഭവത്തിൽ പ്രതിയെ തിരിച്ചറിഞ്ഞതായി പോലീസ് അറിയിച്ചു.
വ്യാഴാഴ്ച രാവിലെ കോളജിലേക്ക് പോയതായിരുന്നു പെൺകുട്ടി. പിന്നീട് കാണാതാവുകയായിരുന്നു. തുടർന്ന് പോയ മൊബൈല് ടവര് കേന്ദ്രീകരിച്ച് നടത്തിയ അന്വേഷണത്തിലാണ് പെൺകുട്ടിയെ കണ്ടെത്തിയത്. ഉടൻ തന്നെ പെൺകുട്ടിയെ ആശുപത്രിയിലാക്കി. വൈദ്യപരിശോധനയിൽ കുട്ടി പീഡിപ്പിക്കപ്പെട്ടതായി കണ്ടെത്തി.
പ്രദേശത്തെ ലഹരിക്കടിമയായ യുവാവാണ് പെണ്കുട്ടിയെ തട്ടിക്കൊണ്ടുപോയതെന്നാണ് പോലീസ് നല്കുന്ന സൂചന. ഇയാൾക്കായി അന്വേഷണം ഊർജിതമാക്കിയതായി പോലീസ് അറിയിച്ചു. നിലവിൽ പെണ്കുട്ടിയെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചിരിക്കുകയാണ്. ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു
