കേരളത്തിൽ നിന്ന് എത്തുന്നവരുടെ താപനില പരിശോധിക്കും; ജാഗ്രത ശക്തമാക്കി കർണാടകയും തമിഴ്നാടും

ബംഗളൂരു : കേരളത്തിലെ നിപ വൈറസ് ബാധയുടെ പശ്ചാത്തലത്തിൽ ജാ​ഗ്രത ശക്തമാക്കി കർണാടക. അതിർത്തി ജില്ലകൾക്കാണ് ജാഗ്രത നിർദേശം നൽകിയിരിക്കുന്നത്. ഇതുമായി ബന്ധപ്പെട്ട് സർക്കുലറും കർണാടക സർക്കാർ പുറത്തിറക്കിയിട്ടുണ്ട്.

കേരളത്തിലെ നിപ ബാധിത മേഖലകളിലേക്ക് അനാവശ്യമായി യാത്ര ചെയ്യരുതെന്ന് കർണാടക നിർദേശിച്ചിട്ടുണ്ട്. ചെക്പോസ്റ്റുകളിൽ പ്രത്യേക പരിശോധന സംവിധാനം ഒരുക്കുമെന്നും അതിർത്തി കടന്നെത്തുന്നവരുടെ താപനില പരിശോധിക്കുമെന്നും കർണാടക അറിയിച്ചിട്ടുണ്ട്. കേരളവുമായി അതിർത്തി പങ്കിടുന്ന ചാമരാജനഗർ, മൈസൂർ, ​കുടക്, ദക്ഷിണ കന്നഡ ജില്ലകൾക്കാണ് പ്രധാനമായും ജാഗ്രത നിർദേശം നൽകിയത്.കേരളത്തിൽ നി​പ സ്ഥി​രീ​ക​രി​ച്ച​തോ​ടെ ത​മി​ഴ്നാ​ട് ആ​രോ​ഗ‍്യ​വ​കു​പ്പ് കേ​ര​ള അ​തി​ർ​ത്തി​യി​ൽ രോ​ഗ​പ്ര​തി​രോ​ധ ന​ട​പ​ടി ഏ​ർ​പ്പെ​ടു​ത്തിയിരുന്നു. നാ​ടു​കാ​ണി​യി​ലെ ടോ​ൾ ചെ​ക്ക്​ പോ​സ്റ്റി​ന് സ​മീ​പ​മാ​ണ് ത​മി​ഴ്നാ​ട് ആ​രോ​ഗ‍്യ​വ​കു​പ്പ് 24 മ​ണി​ക്കൂ​ർ പ​രി​ശോ​ധ​ന തു​ട​ങ്ങി​യ​ത്. നാ​ടു​കാ​ണി ചു​രം ക​യ​റി​യെ​ത്തു​ന്ന യാ​ത്ര​ക്കാ​രു​ടെ ശ​രീ​രോ​ഷ്മാ​വ് പ​രി​ശോ​ധി​ച്ച് പ​നി​യു​ള്ള​വ​രെ ക​ണ്ടെ​ത്തി​യാ​ൽ ഉ​ട​ൻ ചി​കി​ത്സ തേ​ട​ണം എ​ന്ന​തു​ൾ​പ്പെ​ടെ​യു​ള്ള നി​ർ​ദേ​ശ​ങ്ങ​ൾ ന​ൽ​കി​യ​ശേ​ഷ​മാ​ണ് ക​ട​ത്തി​വി​ടു​ന്ന​ത്. ക​ല​ശ​ലാ​യ പ​നി​യു​ള്ള​വ​രെ മ​ട​ക്കി​വി​ടു​മെ​ന്ന് അ​ധി​കൃ​ത​ർ അ​റി​യി​ച്ചു.