ഗവര്ണര്ക്കെതിരെ പ്രത്യക്ഷ സമരത്തിന് ഇടതുമുന്നണി; ഇന്നും നാളെയുമായി പ്രതിഷേധ പ്രകടനങ്ങള്
തിരുവനന്തപുരം: ഗവര്ണര് ആരിഫ് മുഹമ്മദ് ഖാനെതിരെ പ്രത്യക്ഷ സമരത്തിന് ഇടതുമുന്നണി. ഇന്നും നാളെയുമായി സംസ്ഥാന വ്യാപകമായി പ്രതിഷേധ പ്രകടനങ്ങള് നടക്കും. വൈകിട്ട് അഞ്ച് മണിക്ക് തിരുവനന്തപുരം പാളയം രക്തസാക്ഷി മണ്ഡപത്തിന് സമീപം പ്രതിഷേധ പൊതുയോഗം നടക്കും. സിപിഎം സംസ്ഥാന സെക്രട്ടറി എം വി ഗോവിന്ദന്റെ നേതൃത്വത്തിലാണ് തിരുവനന്തപുരം ജില്ലയിലെ പ്രതിഷേധ കൂട്ടായ്മ. വൈസ് ചാന്സിലര്മാര്ക്കെതിരെ കര്ക്കശ നിലപാട് ഗവര്ണര് സ്വീകരിക്കുമ്പോള് ഗവര്ണറുടെ ഹിന്ദുത്വ രാഷ്ട്രീയം ഉയര്ത്തി പ്രതിരോധിക്കാനാണ് എല്ഡിഎഫ് ശ്രമം. സര്വകലാശാലകളില് ആര്എസ്എസ് അജണ്ട നടപ്പാക്കാനാണ് ഗവര്ണറുടെ ശ്രമം എന്ന വാദമാണ് സിപിഎം ഉയര്ത്തുന്നത്.ഗവര്ണര് ഗവര്ണറായി പെരുമാറിക്കൊള്ളണമെന്നും അതിനപ്പുറത്തേക്ക് ഒരിഞ്ച് പോലും കടക്കാമെന്ന് വിചാരിക്കേണ്ടെന്നും മുഖ്യമന്ത്രി പിണറായി വിജയന് കഴിഞ്ഞ ദിവസം പറഞ്ഞു.
നവംബര് രണ്ട് മുതല് കണ്വെന്ഷനും 15 ന് രാജ്ഭവന് മുന്നില് മുഖ്യമന്ത്രി നയിക്കുന്ന ജനകീയ പ്രതിഷേധവും നേരത്തെ പ്രഖ്യാപിച്ചിരുന്നു.
