മഹാത്മ ഗാന്ധി, ലാല് ബഹദൂര് ശാസ്ത്രി എന്നിവര്ക്ക് ആദരമര്പ്പിച്ച് പ്രധാനമന്ത്രി
ന്യൂഡല്ഹി: രാഷ്ട്രപിതാവ് മഹാത്മ ഗാന്ധി, മുന് പ്രധാനമന്ത്രി ലാല് ബഹദൂര് ശാസ്ത്രി എന്നിവര്ക്ക് ജയന്തി ദിനത്തില് ആദരമര്പ്പിച്ച് പ്രധാനമന്ത്രി നരേന്ദ്ര മോദി. രാജ്ഘട്ടിലെ ഗാന്ധി സ്മൃതിമണ്ഡപത്തില് പുഷ്പചക്രം അര്പ്പിച്ച മോദി, രാഷ്ട്രപിതാവിന്റെ സ്മരണയ്ക്കായി ഏവരും ഖാദി, കരകൗശല ഉത്പന്നങ്ങള് ഉപയോഗിക്കണമെന്ന് അഭ്യര്ഥിച്ചു. ആസാദി കാ അമൃത് മഹോത്സവ വേളയില് ഗാന്ധി ജയന്തി ആചരിക്കുന്നത് സന്തോഷം ഇരട്ടിയാക്കുന്നെന്നും അദേഹം പറഞ്ഞു. രാജ്യത്തിന്റെ രണ്ടാം പ്രധാനമന്ത്രിയായിരുന്ന ലാല് ബഹദൂര് ശാസ്ത്രി ലാളിത്യത്തിന്റെയും ശക്തമായ നിലപാടുകളുടെയും പേരില് എന്നും ഓര്മിക്കപ്പെടുമെന്ന് വിജയ് ഘട്ടില് ആദരമര്പ്പിച്ച ശേഷം മോദി പ്രസ്താവിച്ചു.
