പിഎഫ്ഐ പ്രവര്ത്തകരെ ഇന്ന് കോടതിയില് ഹാജരാക്കും, നിര്ണായക വിവരങ്ങള് ലഭിച്ചു
ന്യൂഡല്ഹി: എന്ഐഎ കേരളത്തില് നിന്ന് അറസ്റ്റ് ചെയ്ത പതിനൊന്ന് പോപ്പുലര് ഫ്രണ്ട് പ്രവര്ത്തകരുടെ കസ്റ്റഡി കാലാവധി ഇന്ന് അവസാനിക്കും. പ്രതികളെ എന്ഐഎ ഇന്ന് കോടതിയില് ഹാജരാക്കും. എന്ഐഎ ഓഫീസിലാണ് 11 പ്രതികളേയും ചോദ്യം ചെയ്തത്. കൊച്ചി യൂണിറ്റിനു പുറമേ ദില്ലി യൂണിറ്റുകളിലെ എന്ഐഎ ഉദ്യോഗസ്ഥരും പ്രതികളെ ചോദ്യം ചെയ്തിട്ടുണ്ട്. നിര്ണായകമായ പല വിവരങ്ങളും ചോദ്യം ചെയ്യലില് എന്ഐഎക്ക് കിട്ടിയിട്ടുണ്ടെന്നാണ് സൂചന. ഇന്ത്യയില് ഇസ്ലാമിക ഭരണം നടപ്പാക്കാന് ലക്ഷ്യമിട്ട് ഗൂഡാലോചന നടത്തിയെന്നും ലഷ്കര് ഇ തൊയ്ബ, ഐഎസ് പോലയുള്ള ഭീകര സംഘടകളിലേക്ക് യുവാക്കളെ ആകര്ഷിക്കാന് പദ്ധതികള് തയ്യാറാക്കിയെന്നുമുള്ള കുറ്റങ്ങളാണ് പ്രതികള്ക്കെതിരെ എന്ഐഎ ചുമത്തിയിട്ടുള്ളത്. രാജ്യവ്യാപകമായി പോപ്പുലര് ഫ്രണ്ട് ഓഫീസുകളിലും നേതാക്കളുടെ വീടുകളിലും എന്ഐഎ നടത്തിയ റെയ്ഡിനെ തുടര്ന്നാണ് കേരളത്തില് നിന്നും 11 പേരെ അറസ്റ്റ് ചെയ്തത്.
