സതീശന് പാച്ചേനിയുടെ സംസ്കാരം നാളെ, ഇന്ന് നാലു മണിക്ക് തളിപ്പറമ്പ് ബ്ലോക്ക് കോണ്ഗ്രസ് കമ്മിറ്റി ഓഫീസില് പൊതുദര്ശനം
കണ്ണൂര്: അന്തരിച്ച കോണ്ഗ്രസ് നേതാവ് സതീശന് പാച്ചേനിയുടെ ഭൗതികദേഹം ഇന്ന് ഉച്ചക്ക് രണ്ടു മണിക്ക് കണ്ണൂര് ചാല മിംസ് ഹോസ്പിറ്റലില് നിന്ന് അദ്ദേഹത്തിന്റെ തറവാട് വീടായ തളിപ്പറമ്പ് പാച്ചേനിയിലേക്ക് പുറപ്പെടും. തുടര്ന്ന് വൈകുന്നേരം നാലു മണിക്ക് തളിപ്പറമ്പ് ബ്ലോക്ക് കോണ്ഗ്രസ് കമ്മിറ്റി ഓഫീസില് പൊതുദര്ശനത്തിന് വെക്കും. വൈകുന്നേരം 6 മണിക്ക് അദ്ദേഹത്തിന്റെ സഹോദരന് സുരേഷിന്റെ അമ്മാനപാറയുള്ള ഭവനത്തില് പൊതുദര്ശനത്തിന് വെക്കും. നാളെ രാവിലെ 7 മണിക്ക് കണ്ണൂര് ഡിസിസി ഓഫീസില് പൊതുദര്ശനത്തിന് വെക്കുകയും 11:30 മണിയോടുകൂടി വിലാപയാത്രയായി പയ്യാമ്പലം ശ്മശാനത്തില് സംസ്കാര ചടങ്ങുകള് നടക്കുന്നതാണെന്ന് ഡിസിസി പ്രസിഡണ്ട് അഡ്വ. മാര്ട്ടിന് ജോര്ജ് അറിയിച്ചു.
