കേരള എൻ.ജി. യൂണിയന്റെ നേതൃത്വത്തിൽ ഉദയഗിരി താബോറിൽ നിർമ്മിക്കുന്ന സ്നേഹവീട് നിർമ്മാണ ഉദ്ഘാടനം കണ്ണൂർ ജില്ലാ പഞ്ചായത്ത് വൈസ് പ്രസിഡണ്ട് അഡ്വ: ബിനോയ് കുര്യൻ നിർവഹിച്ചു
വജ്രജൂബിലിയുടെ ഭാഗമായി സംസ്ഥാനത്തെ അതിദരിദ്ര വിഭാഗത്തിലെ വീടില്ലാത്തവർക്കായി നിർമ്മിക്കുന്ന 60 വീടുകളിൽ ഉദയഗിരി ഗ്രാമ പഞ്ചായത്തിലെ താബോറിൽ നിർമ്മിക്കുന്ന സ്നേഹ വീടിൻെറ നിർമ്മാണ ഉദ്ഘാടനമാണ് നടന്നത്. ജില്ലാ പ്രസിഡന്റ് പി.പി സന്തോഷ് കുമാർ അധ്യക്ഷത വഹിച്ചു. യൂണിയൻ സംസ്ഥാന പ്രസിഡന്റ് എം.വി ശശിധരൻ, ഉദയഗിരി ഗ്രാമപഞ്ചായത്ത് പ്രസിഡന്റ് കെ.എസ്.ചന്ദ്രശേഖരൻ ,സാജൻ കെ ജോസഫ്, ഇ വി ജോയ് ,ടി.വി.പ്രജീഷ്, എം.അനീഷ് കുമാർ തുടങ്ങിയവർ സംസാരിച്ചു.
