ബാങ്ക് ഓഫ് മഹാരാഷ്ട്ര സ്വർണ തട്ടിപ്പ്; മുൻ മാനേജർ റിമാൻഡിൽ, വ്യാ​ജ സ്വ​ർ​ണം ക​സ്റ്റ​ഡി​യി​ലെ​ടു​ത്തു

വ​ട​ക​ര : ബാ​ങ്ക് ഓ​ഫ് മ​ഹാ​രാ​ഷ്ട്ര വ​ട​ക​ര ശാ​ഖ​യി​ൽ​നി​ന്ന് സ്വ​ർ​ണം ക​ട​ത്തി​യ കേ​സി​ൽ ക്രൈം​ബ്രാ​ഞ്ച് അ​റ​സ്റ്റ് ചെ​യ്ത മു​​ൻ മാ​നേ​ജ​ർ റി​മാ​ൻ​ഡി​ൽ. ബു​ധ​നാ​ഴ്ച പൊ​ലീ​സ്​ ക​സ്റ്റ​ഡി അ​പേ​ക്ഷ ന​ൽ​കും. പ​ണ​യ സ്വ​ർ​ണ​ത്തി​ന് മു​ക്കു​പ​ണ്ടം പ​ക​രം​വെ​ച്ച് 26.24 കി​ലോ​യി​ല​ധി​കം ത​ട്ടി​യ കേ​സി​ലെ പ്ര​തി ബാ​ങ്ക് മു​ൻ മാ​നേ​ജ​ർ ത​മി​ഴ്‌​നാ​ട് മേ​ട്ടു​പ്പാ​ള​യം പാ​ത്തി സ്ട്രീ​റ്റി​ൽ മ​ധ ജ​യ​കു​മാ​റി​നെ (42) കൊ​യി​ലാ​ണ്ടി ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റി​ന് മു​ന്നി​ൽ ഹാ​ജ​രാ​ക്കി വ​ട​ക​ര സ​ബ് ജ​യി​ലി​ലേ​ക്ക് റി​മാ​ൻ​ഡ്​ ചെ​യ്തു. വ​ട​ക​ര ജു​ഡീ​ഷ്യ​ൽ മ​ജി​സ്ട്രേ​റ്റി​ന്റെ അ​ഭാ​വ​ത്തി​ലാ​ണ് കൊ​യി​ലാ​ണ്ടി​യി​ൽ ഹാ​ജ​രാ​ക്കി​യ​ത്.

പ്ര​തി​യെ ചോ​ദ്യം ചെ​യ്താ​ലേ കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​വു​ക​യു​ള്ളൂ​വെ​ന്ന് ക്രൈം​ബ്രാ​ഞ്ച് വൃ​ത്ത​ങ്ങ​ൾ വ്യ​ക്ത​മാ​ക്കി. 17,20,35,717 രൂ​പ വി​ല വ​രു​ന്ന സ്വ​ർ​ണ​മാ​ണ് ബാ​ങ്കി​ൽ​നി​ന്ന് ന​ഷ്ട​മാ​യ​ത്. ക​ർ​ണാ​ട​ക -തെ​ല​ങ്കാ​ന അ​തി​ർ​ത്തി പ്ര​ദേ​ശ​മാ​യ ബി​ദ​ർ ജി​ല്ല​യി​ലെ കു​ന്നാ​റി​ൽ​നി​ന്ന് ക​ർ​ണാ​ട​ക പൊ​ലീ​സാ​ണ് പ്ര​തി​യെ പി​ടി​കൂ​ടി ക്രൈം​ബ്രാ​ഞ്ച് സം​ഘ​ത്തി​ന് കൈ​മാ​റി​യ​ത്. വ്യാ​ജ തി​രി​ച്ച​റി​യ​ൽ കാ​ർ​ഡ് ഉ​പ​യോ​ഗി​ച്ച് സിം ​കാ​ർ​ഡ് എ​ടു​ക്കു​ന്ന​തി​നി​ടെ​യു​ണ്ടാ​യ ത​ർ​ക്ക​ത്തി​നി​ടെ പ്ര​തി​യെ തി​രി​ച്ച​റി​ഞ്ഞ ക​ട​യു​ട​മ പൊ​ലീ​സി​ന് വി​വ​രം ന​ൽ​കു​ക​യാ​യി​രു​ന്നു. ഓ​ടി ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും നാ​ട്ടു​​കാ​ർ പി​ടി​കൂ​ടി.