ഐ എസ് ആര്‍ ഒ വിക്ഷേപണ വാഹനമായ എസ് എസ് എല്‍ വി വിജയകരമായി വിക്ഷേപിച്ചു
ശ്രീഹരിക്കോട്ട : വിക്ഷേപണ വാഹനമായ എസ് എസ് എല്‍ വി, ഐ എസ് ആര്‍ ഒ വിജയകരമായി വിക്ഷേപിച്ചു. ഭൗമ നിരീക്ഷണ കൃത്രിമ ഉപഗ്രഹമായ ഇ ഒ എസ് 08നെ എസ് എസ് എല്‍ വി ബഹിരാകാശത്ത് എത്തിച്ചു. ശ്രീഹരിക്കോട്ടയിലെ ഒന്നാം നമ്പര്‍ ലോഞ്ച് പാഡില്‍ നിന്നാണ് എസ് എസ് എല്‍ വി വിക്ഷേപിച്ചത്. വിക്ഷേപണത്തിന്റെ മൂന്ന് ഘട്ടവും വിജയകരമാണെന്ന് ഐ എസ് ആര്‍ ഒ അറിയിച്ചു. ഇതോടെ ഇ ഒ എസ് 08 ഉപഗ്രഹത്തെ ഭ്രമണപഥത്തില്‍ സ്ഥാപിക്കാന്‍ ഐ എസ് ആര്‍ ഒയ്ക്കായി.
