ട്രെയിനിലെ എസി കോച്ച് യാത്രക്കാർ 4 വർഷത്തിനിടെ മോഷ്ടിച്ചത് 1.27 കോടി ബെഡ്ഷീറ്റുകളും ടവലുകളും
ന്യൂഡൽഹി:ട്രെയിനിലെ എസി കോച്ച് യാത്രക്കാർ 4 വർഷത്തിനിടെ മോഷ്ടിച്ചത് 1.27 കോടി ബെഡ്ഷീറ്റുകളും ടവലുകളും.എസി കോച്ചുകളിലെ ഓരോ യാത്രയിലും രണ്ട് ബെഡ്ഷീറ്റുകൾ, ഒരു തലയിണ, ഒരു തലയിണക്കവർ, ഒരു ഫേസ് ടവൽ എന്നിവയടങ്ങുന്ന ലിനൻ ബെഡ്റോൾ യാത്രക്കാർക്ക് ലഭിക്കാറുണ്ട്. എന്നാൽ ഏകദേശം ആയിരത്തിൽ ഒരു യാത്രക്കാരൻ വീതം ഇതിൽ നിന്ന് കുറഞ്ഞത് ഒരു സാധനമെങ്കിലും എടുത്തുകൊണ്ട് പോകുന്നു എന്നാണ് കണ്ടെത്തൽ. ഇത് ഇന്ത്യൻ റെയിൽവേയ്ക്ക് വലിയ തോതിലുള്ള നഷ്ടമാണ് ഉണ്ടാക്കിക്കൊണ്ടിരിക്കുന്നത്.കോവിഡ്-19 മഹാമാരിക്ക് ശേഷം ബെഡ്റോൾ സേവനങ്ങൾ പൂർണ്ണമായി പുനരാരംഭിച്ച 2022 ജനുവരി മുതൽ 2026 മെയ് വരെയുള്ള കാലയളവിൽ യാത്രക്കാർ 1.27 കോടിയിലധികം ബെഡ്റോൾ സാധനങ്ങൾ മോഷ്ടിച്ചതായി ദി ഇന്ത്യൻ എക്സ്പ്രസ് നടത്തിയ അന്വേഷണ റിപ്പോർട്ടിൽ പറയുന്നു.മോഷണ നിരക്കിലെ വർദ്ധനവും സാമ്പത്തിക നഷ്ടവും2022 മുതൽ 2025 വരെയുള്ള വർഷങ്ങളിൽ ഇത്തരം മോഷണങ്ങളിൽ 56 ശതമാനം വർദ്ധനവുണ്ടായതായി റിപ്പോർട്ടിൽ വ്യക്തമാക്കുന്നു. ഇന്ത്യൻ റെയിൽവേയുടെ 69 ഡിവിഷനുകളിലും സമർപ്പിച്ച വിവരാവകാശ (ആർടിഐ) അപേക്ഷയിലൂടെയാണ് ഈ വിവരങ്ങൾ പുറത്തുവന്നത്. 18 റെയിൽവേ സോണുകളിലെ 54 ഡിവിഷനുകളിൽ നിന്നാണ് ഇതിനുള്ള മറുപടി ലഭിച്ചത്
