ശബരിമല തീർത്ഥാടന കാലത്ത് ഏറ്റവുമധികം തിരക്ക് അനുഭവപ്പെട്ടത് ഇന്നലെ
ശബരിമല തീർത്ഥാടന കാലത്ത് ഏറ്റവുമധികം തിരക്ക് അനുഭവപ്പെട്ടത് ഇന്നലെ. ഇന്നലെ ദർശനം നടത്തിയത് 75959 തീർത്ഥാടകരാണ്. സ്പോട്ട് ബുക്കിങ് വഴി എത്തിയവർ 5710പേർ വന്നപ്പോൾ പുല്ലുമേട് വഴി 328 മലയിറങ്ങിവന്നു. ഇന്നലെ വരെ ദർശനം നടത്തിയത് 246543 പേരാണ്. അതേസമയം, ശബരിമല തീര്ത്ഥാടനവുമായി ബന്ധപ്പെട്ട് തീര്ത്ഥാടകര്ക്ക് അടിയന്തര വൈദ്യ സഹായം ഒരുക്കാന് ശബരിമല പാതയില് കനിവ് 108ന്റെ റാപ്പിഡ് ആക്ഷന് മെഡിക്കല് യൂണിറ്റുകള് കൂടി വിന്യസിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. ആരോഗ്യ വകുപ്പിന്റേയും കനിവ് 108ന്റേയും ആംബുലന്സുകള്ക്ക് പുറമേയാണ് ഈ യൂണിറ്റുകള് കൂടി സജ്ജമാക്കിയിരിക്കുന്നത്. സുസജ്ജമായ ആശുപത്രികള്ക്ക് പുറമേ പമ്പ മുതല് സന്നിധാനം വരെയും കാനനപാതയിലുമായി ആകെ 19 എമര്ജന്സി മെഡിക്കല് സെന്ററുകള്, ഓക്സിജന് പാര്ലറുകള് എന്നിവയും സജ്ജമാക്കിയിട്ടുണ്ട്. ഇടുങ്ങിയ പാതകളില് സഞ്ചരിക്കാന് കഴിയുന്ന ബൈക്ക് ഫീഡര് ആംബുലന്സ്, ദുര്ഘട പാതകളിലൂടെ സഞ്ചരിക്കാന് കഴിയുന്ന 4ഃ4 റെസ്ക്യു വാന്, ഐസിയു ആംബുലന്സ് എന്നിവയാണ് ശബരിമലയ്ക്കായി സജ്ജമാക്കിയത്. കനിവ് 108 ആംബുലന്സ് പദ്ധതിക്ക് കീഴില് പമ്പ ആശുപത്രി കേന്ദ്രമാക്കിയാണ് റാപ്പിഡ് ആക്ഷന് മെഡിക്കല് യൂണിറ്റ് പ്രവര്ത്തിക്കുന്നത്. തീര്ത്ഥാടകര്ക്ക് വൈദ്യസഹായം വേണ്ട സാഹചര്യങ്ങളില് 108 എന്ന ടോള് ഫ്രീ നമ്പറിലേക്ക് ബന്ധപ്പെട്ടാല് ഈ വാഹനങ്ങളുടെ സേവനം ലഭ്യമാകും. ഇത് കൂടാതെ അടിയന്തര വൈദ്യ സഹായത്തിന് 04735 203232 എന്ന നമ്പരിലും വിളിക്കാവുന്നതാണ്.
