ദേശീയപാതയിലുണ്ടായ മണ്ണിടിച്ചിലില് നിര്മാണ പ്രവര്ത്തനത്തില് ഏര്പ്പെട്ടിരുന്ന അതിഥി തൊഴിലാളിക്ക് ദാരുണാന്ത്യം
കണ്ണൂര് : കണ്ണൂര് – മുഴപ്പിലങ്ങാട് ദേശീയപാതയിലുണ്ടായ മണ്ണിടിച്ചിലില് നിര്മാണ പ്രവര്ത്തനത്തില് ഏര്പ്പെട്ടിരുന്ന അതിഥി തൊഴിലാളിക്ക് ദാരുണാന്ത്യം. ഝാര്ഖണ്ഡ് സ്വദേശിയായ ബിയാസ് ഒര്വന് (28) ആണ് മരിച്ചത്. ചാലക്കുന്നില് പണി നടന്നുകൊണ്ടിരി ക്കുന്ന ഭാഗത്ത് ശനിയാഴ്ച വൈകിട്ട് 5.30ഓടെയാണ് അപകടമുണ്ടായത്. പാതയുടെ വശങ്ങളിലെ കോണ്ക്രീറ്റ് മതിലിന്റെ നിര്മാണ പ്രവൃത്തികളാണ് നടന്നുകൊണ്ടിരുന്നത്. കോണ്ക്രീറ്റ് പണിയുടെ ആവശ്യങ്ങള്ക്കായി കൊണ്ടുവെച്ചിരുന്ന ഇരുമ്പുപാളികള് വയ്ക്കാന് ശ്രമിക്കുന്നതിനിടെ, മണ്ണിടിഞ്ഞ് താഴെയുള്ള കോണ്ക്രീറ്റ് പാളികളിലേക്ക് ബിയാസ് വീഴുകയായിരുന്നു.
