കണ്ണൂർ ജില്ലയിലെ സീനിയര്‍ കണ്‍സള്‍ടന്റ് സര്‍ജനുമായ ഡോക്ടര്‍ കെ ശ്രീധരന്‍ നിര്യാതനായി
കണ്ണൂർ : ജില്ലയിലെ സീനിയര്‍ കണ്‍സള്‍ടന്റ് സര്‍ജനും കൊയിലി ആശുപത്രിയിലെ മുതിര്‍ന്ന ശസ്ത്രക്രിയ വിദഗ്ധനുമായിരുന്ന ഡോക്ടര്‍ കെ ശ്രീധരന്‍(88) നിര്യാതനായി. വാര്‍ധക്യ സഹചമായ അസുഖങ്ങളെ തുടര്‍ന്നായിരുന്നു അന്ത്യം. കോഴിക്കോട് മെഡികല്‍ കോളജിലെ മൂന്നാം ബാചില്‍ എംബിബിഎസ് ബിരുദവും, തിരുവനന്തപുരം മെഡികല്‍ കോളജില്‍ നിന്ന് സര്‍ജറിയില്‍ ബിരുദാനന്തര ബിരുദവും കരസ്ഥമാക്കി. ഇതിനു ശേഷം കണ്ണൂരില്‍ ജോലി ചെയ്തു വരികയായിരുന്നു. കണ്ണൂര്‍ ജില്ലാ ആശുപത്രി, പറശ്ശിനിക്കടവ് പ്രൈമറി ഹെല്‍ത് സെന്റര്‍, കാഞ്ഞങ്ങാട് താലൂക് ആശുപത്രി തുടങ്ങിയ മേഖലകളില്‍ പ്രവര്‍ത്തിച്ചു. രാജേശ്വരിയാണ് ഭാര്യ. മക്കള്‍: ഷീബ(കോഴിക്കോട്),, ഷീജ (ഖത്വര്‍), സനില്‍(ഖത്വര്‍). മരുമക്കള്‍: ഡോ പ്രമോദ്, വികാസ്, സ്മിത
