മനു തോമസ് വിവാദത്തില് പ്രതികരണവുമായി സിപിഐഎം കണ്ണൂര് ജില്ലാ സെക്രട്ടേറിയറ്റ്
കണ്ണൂര് : മനു തോമസ് വിവാദത്തില് പ്രതികരണവുമായി സിപിഐഎം കണ്ണൂര് ജില്ലാ സെക്രട്ടേറിയറ്റ്. പാര്ട്ടി അംഗത്വം പുതുക്കാത്തതിനെ തുടര്ന്ന് സിപിഐഎമ്മില് നിന്ന് ഒഴിവായ മനുതോമസ് സിപിഐഎം നേതാക്കള്ക്കെതിരെ നടത്തിക്കൊണ്ടിരിക്കുന്ന തെറ്റായ പ്രചാരവേല അപലപനീയമാണെന്നും ഇത് ജനങ്ങള് തിരിച്ചറിയണമെന്നും പ്രസ്താവനയില് പറയുന്നു. സോഷ്യല് മീഡിയയിലൂടെ ഭീഷണിയുടെ സ്വരത്തില് ക്വട്ടേഷന്കാരായ ചിലര് നടത്തുന്ന പ്രതികരണങ്ങള് പ്രതിഷേധാര്ഹവും സമൂഹം അംഗീകരിക്കാത്തതുമാണ്. നവമാധ്യമങ്ങളിലൂടെ നടത്തിക്കൊണ്ടിരിക്കുന്ന ഇത്തരം പ്രതികരണങ്ങള് ലൈക്ക് ചെയ്തും ഷെയര് ചെയ്തും പ്രചരിപ്പിക്കുന്നതും ന്യായീകരിക്കത്തക്കതല്ല. നവമാധ്യമങ്ങളില് പാര്ട്ടിയുടെ വക്താക്കളായി പ്രവര്ത്തിക്കാന് ക്വട്ടേഷന് സംഘങ്ങളെ പാര്ട്ടി ചുമതലപ്പെടുത്തിയില്ലെന്നും പ്രസ്താവനയില് പറയുന്നു.
