വയനാട് നൂല്പ്പുഴയില് യുവാവിനെ കാട്ടാന കൊലപ്പെടുത്തിയ സംഭവത്തില് പ്രതിഷേധിച്ച് ഇന്ന് ജില്ലയില് ഹര്ത്താല്
വയനാട് : നൂല്പ്പുഴയില് യുവാവിനെ കാട്ടാന കൊലപ്പെടുത്തിയ സംഭവത്തില് പ്രതിഷേധിച്ച് ഇന്ന് ജില്ലയില് ഹര്ത്താല്. ഫാര്മേഴ്സ് റിലീഫ് ഫോറം ആണ് ഹര്ത്താലിന് ആഹ്വാനം ചെയ്തിരിക്കുന്നത്. രാവിലെ ആറു മുതല് വൈകിട്ട് ആറു വരെയാണ് ഹര്ത്താല്. അതേസമയം ഹര്ത്താലുമായി സഹകരിക്കില്ലെന്നാണ് കേരള വ്യാപാരി വ്യവസായി ഏകോപന സമിതി ഉള്പ്പെടെയുള്ള സംഘടനകളുടെ നിലപാട്. ജില്ലയിലെ കടകമ്പോളങ്ങള് തുറന്നു പ്രവര്ത്തിക്കും. വന്യജീവി ആക്രമണത്തിനെതിരെ വനം വകുപ്പും ജനപ്രതിനിധികളും ഇടപെടല് നടത്തണം. ഹര്ത്താലുകള് നടത്തി ജനങ്ങളെ ബുദ്ധിമുട്ടിക്കുകയല്ല വേണ്ടത് – വയനാട് ജില്ലാ സെക്രട്ടറി ജോജിന് ടി ജോയി പറഞ്ഞു.
