സിനിമാ സംഘടനയായ ഫെഫ്കയില് നിന്നും സംവിധായകൻ ആഷിക് അബു രാജിവെച്ചു
സിനിമാ സംഘടനയായ ഫെഫ്കയില് നിന്നും സംവിധായകൻ ആഷിക് അബു രാജിവെച്ചു. നേതൃത്വത്തെ രൂക്ഷ ഭാഷയില് വിമർശിച്ചാണ് ആഷിക് അബുവിന്റെ പടിയിറക്കം. നിലപാടിന്റെ കാര്യത്തില് തികഞ്ഞ കാപട്യം പുലർത്തുന്ന നേതൃത്വത്തോട് അതിശക്തമായി വിയോജിച്ചുകൊണ്ടും പ്രതിഷേധിച്ചു കൊണ്ടും ഫെഫ്ക പ്രാഥമിക അംഗത്വത്തില് നിന്ന് ഞാൻ രാജിവെക്കുന്നതായി അറിയിക്കുന്ന തായാണ് ആഷിഖ് അബു അറിയിച്ചത്. 2009 ഒക്ടോബറില് fefka രൂപീകരിക്കുന്ന സമയം മുതല് ആഷിഖ് അബു ഈ സംഘടനയില് അംഗമാണ്. പിന്നീട് നടന്ന തിരഞ്ഞെടുപ്പില് സംവിധായകരുടെ യൂണിയൻ എക്സിക്യൂട്ടീവ് അംഗമായി തിരഞ്ഞെടുക്കപ്പെട്ടു. രണ്ടോ മൂന്നോ എക്സിക്യൂട്ടീവ് യോഗങ്ങളില് പങ്കെടുത്തിട്ടും ഉണ്ട്. ഫെഫ്ക നേതൃത്വത്തിനെതിനെതിരെ ഗുരുതര പരാതി ഉന്നയിച്ചാണ് ആഷിക് അബുവിന്റെ പടിയിറക്കം. തന്റെ പ്രതിഫലത്തിൽ നിന്ന് നേതൃത്വം കമ്മീഷൻ ആവശ്യപ്പെട്ടുവെന്ന് ആഷിക് ആരോപിച്ചു. 20 ശതമാനം കമ്മീഷനു വേണ്ടി സിബി മലയിലും വാശി പിടിച്ചു. താനും സിബി മലയിലും തമ്മിൽ വാക് തർക്കം ഉണ്ടായി. നിർബന്ധ പൂർവ്വം വാങ്ങിയ തുക ഒടുവിൽ തിരികെ തന്നുവെന്നും ആഷിക് അബു വ്യക്തമാക്കി.
