കണ്ണൂർ എ.ഡി. എമ്മിൻ്റെ മരണത്തിൽ ജുഡീഷ്യൽ അന്വേഷണം വേണമെന്ന് ബിജെപി നേതാവ് എം ടി രമേഷ്

കണ്ണൂർ : കണ്ണൂർ എ.ഡി. എമ്മിൻ്റെ മരണത്തിൽ ജുഡീഷ്യൽ അന്വേഷണം വേണമെന്ന് ബിജെപി നേതാവ് എം ടി രമേഷ് കണ്ണൂരിൽ ആവശ്യപ്പെട്ടു. ആത്മഹത്യാ കുറ്റത്തിന് പൊലിസ് കേസെടുത്ത കണ്ണൂർ ജില്ലാ പഞ്ചായത്ത് പ്രസിഡൻ്റ് പി.പി ദിവ്യയെ പൊലിസ് അറസ്റ്റു ചെയ്യാത്തത് മുഖ്യമന്ത്രിയുടെ ഓഫീസിൻ്റെ നിർദ്ദേശപ്രകാരമാണെന്ന് ബി.ജെ.പി സംസ്ഥാന ജനറൽ സെക്രട്ടറി എം.ടി. രമേഷ് ആരോപിച്ചു മുഖ്യമന്ത്രിയുടെ പൊളിറ്റിക്കൽ സെക്രട്ടറിയാണ് ദിവ്യയെ സംരക്ഷിക്കുന്നത്. സി.പി.എം നേതാക്കൾ ദിവ്യയെ ഒളിപ്പിക്കുമ്പോഴും പൊലിസ് കണ്ടില്ലെന്ന് നടിക്കുകയാണ് കണ്ണൂരിൽ എവിടെയാണ് ദിവ്യയുള്ളതെന്ന് പൊലിസിന് അറിയാം.

സമരക്കാരെ നേരിടാൻ കാണിക്കുന്ന ഉത്സാഹം പൊലിസ് ദിവ്യയെ അറസ്റ്റു ചെയ്യാൻ കാണിക്കുന്നില്ലെന്നും അദ്ദേഹം പറഞ്ഞു. തൻ്റെ ജില്ലയിലെ ഒരു ഉന്നത ഉദ്യോഗസ്ഥൻ ആത്മഹത്യ ചെയ്തിട്ടും മുഖ്യമന്ത്രി ഇതുവരെ പ്രതികരിച്ചിട്ടില്ല നവീൻ ബാബുവിൻ്റെ കുടുംബത്തിനൊപ്പമാണെന്ന് പാർട്ടി സംസ്ഥാന സെക്രട്ടറി എം.വി ഗോവിന്ദർ പറയുമ്പോഴും മുഖ്യമന്ത്രിക്ക് ആ അഭിപ്രായം ഉണ്ടോയെന്ന് വ്യക്തമാക്കണം. നവീൻ ബാബുവിൻ്റെ കുടുംബത്തോടൊപ്പ മല്ല മുഖ്യമന്ത്രി ദിവ്യയുടെ കുടുംബത്തോടൊ പ്പമാണ് നിൽക്കുന്നത്. ദിവ്യയെ അറസ്റ്റു ചെയ്തില്ലെങ്കിൽ ബി.ജെ.പിയിലെ പെണ്ണുങ്ങൾ അവരെ പിടിച്ചു കെട്ടുമെന്നും ഇത്തരം സാഹചര്യം ഒഴിവാക്കുന്നതാണ് എല്ലാവർക്കും നല്ലതെന്നും എം.ടി. രമേഷ് പറഞ്ഞു.