കാസർഗോഡ് മണ്ഡലത്തിൽ ഷാനവാസ് പാദൂർ എൽഡിഎഫ് സ്വതന്ത്ര സ്ഥാനാർഥി

കാസർഗോഡ് : കാസർഗോഡ് മണ്ഡലത്തിൽ ഷാനവാസ് പാദൂർ എൽഡിഎഫ് സ്വതന്ത്ര സ്ഥാനാർഥി. പാർട്ടി സ്ഥാനാർഥിത്വം ഔദ്യോഗികമായി പ്രഖ്യാപിച്ചു. ഇന്നലെ നടന്ന ഐഎൻ എൽ, സിപിഐഎം നേതാക്കളുടെ യോഗത്തിലാണ് ഷാനവാസ് പാദൂരിനെ കാസർഗോഡ് മത്സരിപ്പിക്കാൻ തീരുമാനമായത്. ഇതോടെ കാസർഗോഡ് മണ്ഡലം ഒരു ത്രികോണ പോരിലേക്ക് പോകുമെന്ന സൂചനകളാണ് പുറത്ത് വരുന്നത്.

മുൻ ജില്ലാ പഞ്ചായത്ത് വൈസ് പ്രസിഡന്റും യുവജന നേതാവുമായ ഷാനവാസ് പാദൂർ. നിലവിൽ ചട്ടഞ്ചാൽ കോ- ഓപ്പറേറ്റീവ് അർബൻ സൊസൈറ്റി പ്രസിഡന്റും ഇന്ദിരാജി കൾചറൽ ആൻഡ് പാലിയേറ്റീവ് ഫോറം ജില്ലാ പ്രസിഡന്റു മാണ്. മഞ്ചേശ്വരം മണ്ഡലത്തിൽ സിപിഐഎം സ്വതന്ത്ര സ്ഥാനാർഥിയായി ഷാനവാസ് പാദൂർ മത്സരിക്കുമെന്നായി രുന്നു ആദ്യം പുറത്ത് വന്ന റിപ്പോർട്ടുകൾ. എന്നാൽ പിന്നീട് ജില്ലാ സെക്രട്ടറിയേറ്റ് അംഗമായ കെ ആർ ജയാനന്ദനെ മഞ്ചേശ്വരത്ത് സ്ഥാനാർഥിയായി പ്രഖ്യാപിക്കുകയായിരുന്നു. ഇതോടെയാ ണ് ഷാനവാസ് കാസർഗോഡേക്ക് എത്തുന്നത്. 2020ലെ പഞ്ചായത്ത് തിരഞ്ഞെടുപ്പിൽ മുസ്ലീം ലീഗിന്റെ കോട്ടയായ ചെങ്കള ഡിവിഷനിൽ നിന്ന് മത്സരിച്ച് വൻ ഭൂരിപക്ഷത്തോടെ ഇടത് സ്വതന്ത്രനായി ഷാനവാസ് ജയിച്ച് കയറിയിരുന്നു.