കെ.സി.സിപി.എൽ ഉൽപ്പന്നങ്ങൾക്ക് ഇനി ഓൺലൈൻ വിപണി; പദ്ധതി ഉദ്ഘാടനം കണ്ണപുരത്ത് കമ്പനി ചെയർമാൻ ടി വി രാജേഷ് നിർവഹിച്ചു
കണ്ണൂർ : കെ.സി.സിപി.എൽ ഉൽപ്പന്നങ്ങൾക്ക് ഇനി ഓൺലൈൻ വിപണി. ഓണത്തിന് വൻ വിലക്കുറവ് രുചി വൈവിദ്ധ്യങ്ങളുടെ തിരുവോണ സദ്യയ്ക്ക് കെ.സി.സിപി.എൽ കേരവറിന്റെ തേങ്ങാപ്പാലും തേങ്ങാപ്പൊടിയും വൻ വിലക്കുറവിൽ ലഭ്യമാക്കും. പദ്ധതി ഉദ്ഘാടനം കണ്ണപുരത്ത് കമ്പനി ചെയർമാൻ ടി വി രാജേഷ് നിർവഹിച്ചു. വ്യവസായ വകുപ്പിന്റെ കീഴിൽ പ്രവർത്തിക്കുന്ന പൊതുമേഖല സ്ഥാപനമായ കെസിസിപി എൽ ഉൽപ്പാദിപ്പിക്കുന്ന എല്ലാ ഉൽപ്പന്നങ്ങളും ഇനി ഓൺലൈൻ വിപണിയിലും ലഭ്യമാകും.കമ്പനിയുടെ കോക്കനട്ട് ഉൽപ്പന്നങ്ങളായ തേങ്ങാപ്പാൽ, വെർജിൻ കോക്കനട്ട് ഓയിൽ, ഡെസിക്കേറ്റഡ് കോക്കനട്ട് പൌഡർ, ആന്റിസെപ്റ്റിക്സ് ആന്റ് ഡിസിൻഫെക്ടെന്റ്സ്, ഹാൻഡ് വാഷ്, ഫ്ലോർക്ലീനർ, കയർപിത്ത് കംപോസ്റ്റ് മുതലായവ ഓൺലൈൻ പോർട്ടലിൽ ലഭ്യമാണ്.
കമ്പനിയുടെ ഓൺലൈൻ വിൽപ്പനയുടെ ഉൽഘാടനവും ഓണം വിലക്കുറവ് പദ്ധതിയും കമ്പനി ചെയർമാൻ ടി.വി. രാജേഷ് കണ്ണപുരം ഗ്രാമപഞ്ചായത്ത് പ്രസിഡണ്ട് കെ.രതിക്ക് നൽകി നിർവ്വഹിച്ചു. ഓൺലൈൻ മുഖാന്തിരമുള്ള ഓർഡർ തപാൽ വകുപ്പിന് കൈമാറി . മൊട്ടമ്മൽ പോസ്റ്റ് വുമൺ എം.ഷിതയ്ക്ക് കൈമാറി. തപാൽവകുപ്പുവഴിയാണ് ഉപഭോക്താവിന് ഓൺലൈൻ വിപണി മുഖാന്തിരമുള്ള ഉൽപ്പന്നങ്ങൾ വീട്ടിൽ എത്തിക്കുക. ആദ്യഘട്ടത്തിൽ തന്നെ കമ്പനിക്ക് നിരവധി ഓർഡറുകൾ ലഭിച്ചിട്ടുണ്ട്. കെ-ഷോപ്പീ സംവിധാനത്തിലൂടെ കമ്പനിയുടെ എല്ലാ ഉൽപ്പന്നങ്ങളും ഇന്ത്യയിലെവിടെയുമുള്ള ഉപഭോക്താക്കൾക്ക് വാങ്ങാൻ കഴിയും. കമ്പനിയുടെ വിപണനം ഇതിലൂടെ വിപൂലീകരിക്കാൻ കഴിയുമെന്ന് പ്രതീക്ഷിക്കുന്നു. ചടങ്ങിൽ കമ്പനി മാനേജിങ് ഡയരക്ടർ ആനക്കൈ ബാലകൃഷ്ണൻ, കണ്ണപുരം സർവ്വീസ് സഹകരണ ബാങ്ക് പ്രസിഡണ്ട് ടി.കെ.ദിവാകരൻ എന്നിവർ ചടങ്ങിൽ സംസാരിച്ചു. ഓണത്തിന് കമ്പനിയുടെ കോക്കനട്ട് ഉൽപ്പന്നങ്ങൾക്ക് പ്രത്യേക ഓഫറുകൾ പ്രഖ്യാപിച്ചു. വെർജിൻ കോക്കനട്ട് ഓയിലിന്റെ റീട്ടെയിൽ വിലയുടെ 20% വും തേങ്ങാപ്പാൽ, ഡെസിക്കേറ്റഡ് കോക്കനട്ട് പൌഡർ എന്നിവയുടെ റീട്ടെയിൽ വിലയുടെ 15% വുമാണ് കിഴിവ് നൽകുന്നത് കമ്പനിയുടെ കണ്ണപുരം, കരിന്തളം, പഴയങ്ങാടി മാങ്ങാട്ടു പറമ്പിലും കമ്പനിയുടെ എല്ലാ പെട്രോൾ പമ്പുകളിലും ലഭ്യമാകും.
