കേരളത്തിൽ മഴ തുടരുമെന്നു കാലാവസ്ഥാ വകുപ്പ്; ഇന്ന് 4 ജില്ലകളിൽ യെലോ അലർട്ട് പ്രഖ്യാപിച്ചു

കണ്ണൂർ : ന്യുനമർദ്ദ പാത്തിയും ചക്രവാതചുഴിയും വീണ്ടും രൂപപ്പെട്ട സാഹചര്യത്തിൽ കേരളത്തിൽ മഴ തുടരുമെന്നു കാലാവസ്ഥാ വകുപ്പ്. ഇന്ന് 4 ജില്ലകളിൽ യെലോ അലർട്ട് പ്രഖ്യാപിച്ചു. മലപ്പുറം,കോഴിക്കോട്,കണ്ണൂർ,കാസർകോട് ജികളിലാണു യെലോ അലർട്ട്. മറ്റു ജില്ലകളിൽ മിതമായ മഴ തുടരും. വടക്കൻ കേരള തീരം മുതൽ തെക്കൻ ഗുജറാത്ത്‌ തീരം വരെ ന്യൂനമർദപാത്തി നിലവിലുള്ളതായും ആന്ധ്രാ തീരത്തിനു സമീപം ബംഗാൾ ഉൾക്കടലിനു മുകളിലായി ചക്രവാതച്ചുഴി രൂപപ്പെട്ടതായും കാലാവസ്ഥ വകുപ്പ് അറിയിച്ചു. കർണാടക, കൊങ്കൺ, ഗോവ, മഹാരാഷ്ട്ര മേഖലകളിൽ ശക്തമായ മഴയുണ്ട്. വരും ദിവസങ്ങളിൽ കേരളത്തിലേക്കും മഴ കനക്കുമെന്നാണു മുന്നറിയിപ്പ്. ഇതിനൊപ്പം ഇന്ന് ഉയർന്ന തിരമാല ജാഗ്രത നിർദേശവും പുറപ്പെടുവിച്ചിട്ടുണ്ട്.