സംസ്ഥാനത്ത് അതിശക്തമായ മഴ തുടരും; രണ്ട് ജില്ലകളില് ഓറഞ്ച് അലര്ട്ട്, 10 ജില്ലകളില് യെല്ലോ അലര്ട്ട്
സംസ്ഥാനത്ത് അതിശക്തമായ മഴ തുടരും. രണ്ട് ജില്ലകളില് ഓറഞ്ച് അലര്ട്ടും 10 ജില്ലകളില് യെല്ലോ അലര്ട്ടും തുടരുന്നു. പത്തനംതിട്ട, ഇടുക്കി ജില്ലകളിലാണ് ഓറഞ്ച് അലര്ട്ട്, ആലപ്പുഴ കാസര്ഗോഡ് ഒഴികെയുള്ള 10 ജില്ലകളിലാണ് യെല്ലോ അലര്ട്ട്. ഇടിമിന്നലോട് കൂടിയ മഴയ്ക്കൊപ്പം, മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന കാറ്റിനും സാധ്യതയുണ്ട്. ദുരന്ത സാധ്യത മേഖലയിലുള്ളവര് അധികൃതരുടെ നിര്ദ്ദേശാനുസരണം സുരക്ഷിത സ്ഥലങ്ങളിലേക്ക് മാറി താമസിക്കണമെന്ന് നിര്ദേശം നല്കി. തമിഴ്നാട് തീരത്ത് ഉയര്ന്ന തിരമാലയ്ക്കും കടലാക്രമണത്തിനും സാധ്യതയുള്ളതിനാല് തീരദേശവാസികള് ജാഗ്രത പാലിക്കണമെന്നും തെക്കന് കേരള ലക്ഷദ്വീപ് തീരങ്ങളില് മത്സ്യബന്ധന വിലക്ക് തുടരുമെന്നും കാലാവസ്ഥ വകുപ്പ് അറിയിച്ചു.
