കൊട്ടിയൂര് വൈശാഖോത്സവത്തിനു ഇന്ന് നെയ്യാട്ടത്തോടെ തുടക്കമാകും
കൊട്ടിയൂര്;കൊട്ടിയൂര് വൈശാഖോത്സവത്തിനു ഇന്ന് നെയ്യാട്ടത്തോടെ തുടക്കമാകും. രാത്രി സ്വയംഭൂവില് നെയ്യഭിഷേകം നടക്കും. വയനാട്ടിലെ മുതിരേരി കാവില് നിന്നുള്ള വാള് സന്ധ്യയോടെ ഇക്കരെ കൊട്ടിയൂരിലേക്ക് എഴുന്നള്ളിച്ച് എത്തിക്കും. വാള് ഇക്കരെ കൊട്ടിയൂരില് ബലി ബിംബങ്ങള്ക്കൊപ്പം പ്രതിഷ്ഠിക്കും.ചോതി വിളക്കു തെളിയിക്കുന്നതിനായി തേടന് വാരിയര് ഓടയും തീയും കൊണ്ടുവരും. രാത്രിയോടെ സ്ഥാനികര് അക്കരെ പ്രവേശിച്ച് മണ്താലങ്ങളില് ചോതി വിളക്ക് തെളിയിക്കും.ആദ്യ പടിഞ്ഞിറ്റ നമ്പൂതിയുടെ മുഖ്യ കാര്മികത്വത്തില് പുണ്യാഹം നടത്തും. മണിത്തറയില് പ്രവേശിച്ച് ബ്രാഹ്മണര് അഷ്ടബന്ധം നീക്കി രാശി വിളിച്ച ശേഷമാണ് നെയ്യാട്ടം.
