കെ. മുരളീധരനെ വയനാട്ടിൽ മത്സരിപ്പിക്കുന്നതിൽ തടസമില്ലന്ന് കെ സുധാകരൻ

കണ്ണൂർ : കെ. മുരളീധരനെ വയനാട്ടിൽ മത്സരിപ്പിക്കുന്നതിൽ തടസമില്ലന്ന് കെ.പി.സി.സി അദ്ധ്യക്ഷൻ കെ സുധാകരൻ. എവിടെ മത്സരിപ്പിക്കാനും മുരളീധരൻ യോഗ്യനാണ്. വേണമെങ്കിൽ കെപിസിസി അധ്യക്ഷ സ്ഥാനവും മുരളിക്ക് നൽകാം. താൻ അതിൽ കടിച്ചു തൂങ്ങില്ലന്നും സുധാകരൻ പറഞ്ഞു. ആലത്തൂരിൽ രമ്യയുടെ പരാജയത്തിന്റെ കാരണം പരിശോധിക്കും. തൃശ്ശൂരിൽ അന്വേഷണ കമ്മീഷൻ റിപ്പോർട്ട് ലഭിച്ചശേഷം ആവശ്യമെങ്കിൽ നടപടിയെടുക്കും. കേരള കോൺഗ്രസിനെ മുന്നണിയിലേക്ക് തിരികെ കൊണ്ടുവരണമെന്നാണ് തന്റെ വ്യക്തിപരമായ അഭിപ്രായം. മുന്നണിയിൽ ആലോചിച്ചു എടുക്കേണ്ട തീരുമാനമാണിത്. യുഡിഎഫിന് കെഎം മാണിയെ മറക്കാനാവില്ലന്നും കെ.സുധാകരൻ പറഞ്ഞു.