വിദ്യാർത്ഥിയെ തോട്ടില്‍ മരിച്ച നിലയില്‍ കണ്ടെത്തി
കോതമംഗലം : വിദ്യാർത്ഥിയെ തോട്ടില്‍ മരിച്ച നിലയില്‍ കണ്ടെത്തി. ചേലാട് കള്ളാട് കീഴേത്തുകുടി (കുന്നേല്‍) പരേതനായ ബിനോജ് മകൻ അഭിമന്യു (12) നെയാണ് മരിച്ച നിലയില്‍ കണ്ടെത്തിയത്. സ്കൂള്‍ ബസില്‍ നിന്ന് ഇറങ്ങി വീട്ടിലേക്ക് പോകുന്ന വഴിയിലെ ചെറിയ കൈതോട്ടിലാണ് കുട്ടി കിടന്നിരുന്നത്. സ്കൂള്‍ വിട്ട് വരുന്ന വഴി കാല്‍ വഴുതി വീണതാകാമെന്നാണ് കരുതുന്നത്. കുട്ടി കമിഴ്ന്ന് കിടക്കുന്ന നിലയില്‍ നാട്ടുകാരാണ് ആദ്യം കണ്ടത്. ഉടനെ കോതമംഗലത്തെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. മൃതദേഹം താലൂക്ക് ആശുപത്രി മോർച്ചറിയില്‍. ചേലാട് ബസ് ആനിയ പബ്ലിക് സ്കൂള്‍ ഏഴാം ക്ലാസ് വിദ്യാർത്ഥിയാണ് അഭിമന്യു. മാതാവ്. മായ
