പൊലീസ് അസോസിയേഷൻ്റെ ഓണ്‍ലൈൻ മീറ്റിംങ്ങിനിടെ തെറിവിളി; സംഭവത്തില്‍ അന്വേഷണം തുടങ്ങി
കണ്ണൂർ : പൊലീസ് അസോസിയേഷൻ്റെ ഓണ്‍ലൈൻ മീറ്റിംങ്ങിനിടെ തെറിവിളി. സംസ്ഥാന പ്രസിഡൻ്റ് സംസാരിക്കുന്ന തിനിടെയായിരുന്നു പോലീസുകാരുടെ അസഭ്യവർഷം. കണ്ണൂർ സിറ്റി സൈബർ പൊലീസ് സ്റ്റേഷനിലെ എസ്‌ഐമാരായ പ്രജീഷ്,സജി ഫിലിപ്പ് എന്നിവരാണ് തെറി വിളിച്ചത്. അസോസിയേഷൻ സമ്മേളന നടപടികള്‍ വിശദീകരിക്കാനായിരുന്നു ഓണ്‍ലൈൻ മീറ്റിങ്ങ്. പൊലീസുകാരുടെ ജോലി സമ്മർദ്ദം കുറയ്ക്കാനായി സംഘടന ഒന്നും ചെയ്യുന്നില്ലെന്ന് ആരോപിച്ചായിരുന്നു തെറിവിളി. ലിങ്ക് ചോർത്തിയെടുത്താണ് ഇരുവരും മീറ്റിങ്ങില്‍ പങ്കെടുത്തത്. സംഭവത്തില്‍ സ്പെഷ്യല്‍ ബ്രാഞ്ച് അന്വേഷണം തുടങ്ങി.
