കുട്ടികളെ സ്വീകരിക്കാൻ വിദ്യാലയ മുറ്റങ്ങൾ ഒരുങ്ങുന്നു.മുന്നൊരുക്ക പ്രവർത്തനങ്ങളിൽ സജീവമായ് ഡിവൈഎഫ്ഐ യൂത്ത് ബ്രിഗേഡ്

കുട്ടികളെ സ്വീകരിക്കാൻ വിദ്യാലയ മുറ്റങ്ങൾ ഒരുങ്ങുന്നു.മുന്നൊരുക്ക പ്രവർത്തനങ്ങളിൽ സജീവമായ് ഡിവൈഎഫ്ഐ യൂത്ത് ബ്രിഗേഡ്

പാപ്പിനിശ്ശേരി :പുതിയ അധ്യയന വർഷം ആരംഭിക്കാൻ ദിവസങ്ങൾ മാത്രം ബാക്കി നിൽക്കെ, വിദ്യാലയ മുറ്റങ്ങൾ കുട്ടികളെ സ്വീകരിക്കാൻ ഒരുങ്ങുന്നു. സ്കൂൾ തുറക്കുന്നതിന്റെ മുന്നൊരുക്ക പ്രവർത്തനങ്ങളുടെ ഭാഗമായി ജി യു പി എസ് പാപ്പിനിശ്ശേരി വെസ്റ്റ് സ്കൂളും ക്ലാസ് മുറികളും പൂർണ്ണമായും സജ്ജീകരിച്ചു.
​പാപ്പിനിശ്ശേരി മേഖല ഡിവൈഎഫ്ഐ യൂത്ത് ബ്രിഗേഡിന്റെ നേതൃത്വത്തിലാണ് വിദ്യാലയത്തിൽ വിപുലമായ ശുചീകരണ-സജ്ജീകരണ പ്രവർത്തനങ്ങൾ നടത്തിയത്. കുട്ടികൾക്ക് സുരക്ഷിതവും സന്തോഷകരവുമായ അന്തരീക്ഷത്തിൽ അധ്യയനം സാധ്യമാക്കുക എന്ന ലക്ഷ്യത്തോടെയായിരുന്നു യൂത്ത് ബ്രിഗേഡിന്റെ ഈ മാതൃകാപരമായ ഇടപെടൽ.
​ശുചീകരണ പ്രവർത്തനങ്ങൾക്ക് ഡിവൈഎഫ്ഐ മേഖല സെക്രട്ടറി സരിത്ത് സി, ബ്ലോക്ക് വൈസ് പ്രസിഡന്റ് സുകേഷ് സി.പി, അരുൺ കുമാർ, സുഖിൽ എന്നിവർ നേരിട്ട് നേതൃത്വം നൽകി. വരും ദിവസങ്ങളിലും മേഖലയിലെ കൂടുതൽ വിദ്യാലയങ്ങളിൽ ഇത്തരം പ്രവർത്തനങ്ങൾ തുടരുമെന്ന് ഭാരവാഹികൾ അറിയിച്ചു.